awisosplschool

awisosplschool

ஞாயிறு, 10 ஏப்ரல், 2011

தேர்தல்கமிஷன்நடவடிக்கைஅறிவிக்கபடாதஎமர்ஜென்ஸியா?

காங்கிரஸ் தேர்தல் அறிக்கையை வெளியிட்டு பிரணாப் முகர்ஜி பேசினார்.

இலவச திட்டங்களை 2 பெரிய கட்சிகளும் அறிவித்துள்ளதே? இது மாநில அரசின் நிதி ஆதாரத்திற்கு ஆரோக்கியமானதா?

தி.மு.க. அரசு மக்கள் நலனுக்காக பல்வேறு திட்டங்கள் சிறப்பாக செயல்படுத்தி வருகிறது. சில திட்டங்களில் கொள்கை ரீதியாக சில மாறுபட்ட கருத்துக்கள் இருப்பது இயல்புதான். ஆனாலும் தி.மு.க. அரசின் செயல்பாடு மிகவும் திருப்தியாக உள்ளது.

காங்கிரஸ்
ஆட்சியில் பங்கு கேட்குமா?

வெளிநாட்டில் வசிக்கும் இந்திய குடிமகனுக்கு வாக்களிக்கும் உரிமை

21 செப்டம்பர் 2010 அன்று அமல்படுத்தப்பட்ட மக்கள் பிரதிநிதி நிமியக்கும் சட்டம் (36 / 2010) கீழ் வெளிநாட்டில் வசிக்கும் இந்திய குடிமகனுக்கு வாக்களிக்கும் உரிமை வழங்கபடுகிறது. தாங்களின் பெயர் வெளிநாட்டு குடிவாசியாக பதிவு செய்ய வேண்டுமெனின் இந்த படிவத்தை பூர்த்தி செய்து தேர்தல் ஆணையத்திற்கு அனுப்பவும்.

மேலும் இந்த உரிமையை பெற

வியாழன், 7 ஏப்ரல், 2011

பயனுள்ள எளிய மருத்துவக் குறிப்பு

பயனுள்ள எளிய மருத்துவக் குறிப்புகளை, சகோதரி (கல்லை) நூர்ஜஹான் அவர்கள் தொகுத்து நமக்கு அனுப்பியுள்ளார். நோய்களுக்கு அல்லாஹ் நிவாரணம் அளிக்க வேண்டிப் பிரார்த்தனைகளோடு வாசகர்கள் பயனடைவதற்காக அவற்றை இங்குத் தருவதில் மகிழ்கிறோம்! - நன்றி சத்தியமார்க்கம்.காம்.

(01) மாரடைப்புநடுமார்பில் வலி, மார்பில் இறுக்கிப்பிடித்ததுபோல் உணர்வு, மார்புப் பகுதியிலிருந்து இடது தோள்பட்டைவரை வலி பரவுதல், பின் மார்பின் நடுப்பகுதியில் வலி ஏற்பட்டு, கழுத்து வரைக்கும் பரவுதல், அதிக வியர்வை, வாந்தி, மயக்கம் ஆகியவை மாரடைப்புக்கான முக்கிய அறிகுறிகளாகும். அதிகப் பதட்டம், மன அழுத்தம் உள்ளவர்கள், புகை-மதுப்பழக்கம் உள்ளவர்களுக்கு மாரடைப்பு வருவதற்கான வாய்ப்புகள் அதிகம்.
(02) சிறுநீரகம்பெரும்பாலானவர்களுக்கு சிறுநீர்ப்பாதையில் நோய்த்தொற்று ஏற்படும். இதற்கு காரணம் இன்றைய பரபரப்பான வாழ்க்கைமுறை. சிறுநீர் வெளியேறும்போது எரிச்சல், கடும் மஞ்சள் நிறத்தில் வெளியேறுதல், புளிச்ச வாசனை, அதிக நுரை, அடி வயிற்றில் வலி ஆகியன இருந்தால் உங்களுக்கு, சிறுநீரகக்கல் பிரச்சனை உள்ளது என்று அர்த்தம். வெளிறிய மஞ்சள் நிறத்தைத் தவிர்த்து வேறு நிறத்தில் சிறுநீர் வெளியேறினால் உடனே மருத்துவரை அணுகிப் பரிசோதித்துக்கொள்வது நலம் பயக்கும்.
(03) மறதிஇளமையில் மறதி என்பது வேறு! ஆனால் அளவுக்கு அதிகமான மறதி முதுமையில் ஏற்படும். இதற்கு 'அல்ஸைமர் நோய்' என்று பெயர். இந்த நோயைக் கட்டுபடுத்தும் ஆற்றல் மஞ்சளுக்கு உண்டு. மேலும் கடுக்காய், நெல்லிக்காய், இஞ்சி ஆகிய உணவுப்பொருட்கள் வயதான பிறகும், நோய்கள் தொற்றாமல் பாதுகாக்கும். இதைவிட முக்கியம் உணவுக்கட்டுப்பாடு. சத்தான, மிதமான உணவுமுறை முதுமையில் மிக அவசியம்.
(04) இரத்த அழுத்தம்இரத்த அழுத்த நோய் உள்ளவர்கள் நாள்தோறும் காலையில் 1-அவுன்ஸ் துளசிச் சாறெடுத்துச் சாப்பிடுவது நல்லது. உடலில் தடை பட்டிருக்கும் ரத்தக்குழாய்களைத் துளசிச் சாறு அகலப்படுத்த உதவுகிறது. இதனால் ரத்த-அழுத்தம் குறைந்து விடும்.
(05) புற்றுநோய்த் தடுப்புநாம் அன்றாடம் உணவில் சேர்த்துக்கொள்ளும் சில உணவுப்பொருட்களில் புற்று நோயைக் குணப்படுத்தும் ஆற்றல் உள்ளது எனக் கண்டுபிடிக்கப்பட்டுள்ளது. உணவில் வெங்காயம், வெள்ளைப்பூண்டு அதிகம் சேர்த்துக்கொள்வோர்க்குப் புற்று நோய் வருவதற்கு வாய்ப்புகள் குறைவு என்று மருத்துவத் தகவல் தெரிவிக்கின்றது. வெங்காயத்திலும் வெள்ளைப் பூண்டிலும் உள்ள 'செலீனியம்' என்னும் உலோகம் புற்று நோய் வராமல் தடுக்கும் ஆற்றல் பெற்றுள்ளது.
(06) பல் ஈறுபல் ஈறுகள் வீங்கி வலியால் துடிப்பவர்கள் படிகாரத்தைச் சிறிது தூளாக்கி வெந்நீரில் போட்டுக்கலந்து வாயைக் கொப்பளித்தால் வலி போன இடம் தெரியாது.
(07) மாரடைப்புமாரடைப்பால் பாதிக்கப்படுபவர்களில் பெரும்பாலானவர்களுக்கு அதிகாலையில்தான் மாரடைப்பு வருகின்றது. இதற்கான காரணம் என்னவென்றால் அவர்கள் பெரும்பாலும் இரவில் அதிகம் தூங்க மாட்டார்கள். தூக்கமின்மையால் அவதிப்படுவோர்க்குத்தான் அதிகாலையில் மாரடைப்பு வருகின்றது.
(08) நரம்புத் தளர்ச்சிநரம்புத் தளர்ச்சி நோய் சர்வசாதாரணமாக எல்லோருக்கும் ஏற்பட்டு வருகின்றது. மலச்சிக்கல், உறக்கமின்மை, நீரழிவுநோய், பெருந்தீனி, ரத்த அழுத்தம், தவறான வழியில் சக்தியை வீணாக்குதல், குடும்பப்பளு, சத்தான உணவை உட்கொள்ளாமை போன்ற காரணங்களால் நரம்புத் தளர்ச்சி நோய் ஏற்படுகின்றது. இதிலிருந்து தப்பிக்க ...
· நன்றாக உறங்க வேண்டும்
· மன அளவிலும் உடல் அளவிலும் உடலைப் பேணிக் காக்க வேண்டும்.
· உறங்குவதற்குமுன் அதிக நீரைப் பருக வேண்டும்
· தூங்கும்முன் சூடான பானம் எதுவும் அருந்தக்கூடாது.
(09) வழுக்கைசிலருக்குத் தலையில் வட்ட வடிவமாக வழுக்கை விழும். இதைத் தவிர்ப்பதற்கு மாதுளம் பழச்சாற்றைப் புழுவெட்டு உள்ள இடத்தில் சூடேற்றித்தேய்க்க மூன்று நாட்களில் அரிப்பு மாறி, முடி முளைக்கும். ஊமத்தைப் பிஞ்சை உமிழ் நீரால் மைபோல அரைத்துத் தலையில் தடவி வந்தால் புழுவெட்டு நீங்கும். ஆற்றுத் தும்மட்டிக்காயை நன்றாக நறுக்கித் தலையில் தேய்த்துவர பலன் கிடைக்கும்.
(10) தொண்டைப்புண்தொண்டைப்புண், சளி போன்றவற்றால் அவதிப்பட்டுவோருக்குப் பனங்கற்கண்டு, சிறிது மிளகு, சிறிது சீரகம், விரலி மஞ்சள் துண்டு ஆகியன உதவும். மிளகு, சீரகத்தை வறுத்துப் பொடி செய்து கொள்ள வேண்டும். ஒரு டம்ளர் தண்ணீரில் கொஞ்சம் மஞ்சளைப் பொடியாக்கிப்போட்டு விட்டு மேற்கண்ட எல்லாவற்றையும் போட்டு, தளதளவென்று கொதிக்க விட்டு, இறக்கிய கஷாயத்தில் சூட்டுடன் ஒரு டீஸ்பூன் வெண்ணெய்யைச் சேர்த்துக் கலக்கிக் குடித்தால், தொண்டையைத் தொல்லைப்படுத்திக்கொண்டிருக்கும் பிரச்சனைகள் நீங்கி விடும்.
(11) உடல் தளர்ச்சிவெங்காயத்தில் வைட்டமின் ஏ,பி,சி ஆகியவை உள்ளன. உடல்தளர்ச்சியினால் ஏற்படும் உபாதைகளை எல்லாம் வெங்காயம் போக்குகிறது. இருதயத்தை வலுப்படுத்துகிறது. இது உடலுக்குச் சக்தியை அளிப்பதுடன் இழந்த சக்தியைத் திரும்பப் பெறவும் பயன்படுகின்றது. வெங்காயம் இளமையைப் பாதுகாக்கும். நீரழிவு நோயாளிகளுக்கு வெங்காயம் அருமருந்து. காரணம் வெங்காயத்தில் இன்சுலின் உள்ளது. வெங்காயத்தின் விஞ்ஞானப் பெயர் 'ஆலியம்சிபா.'
(12) வயிற்றுப்புண்வயிற்றுப்புண் இருப்பவர்கள் பச்சரிசி, பாசிப்பருப்பு, வெந்தயம் 1டீஸ்பூன், நிறைய பூண்டு உரித்துப்போட்டு குக்கரில் வைத்து வெந்தவுடன், அதில் கெட்டியான தேங்காய்ப்பால் கலந்து சாப்பிட்டுவர, வயிற்றுப்புண்ணும் வாய்ப்புண்ணும் குணமாகிவிடும்.
(13) அல்சர்சர்வ சாதாரணமாக எல்லோரையும் தாக்கக் கூடிய நோய்களில் 'அல்சரும்' ஒன்று. நேரத்திற்குச் சாப்பிடாமல் இருப்பவர்களுக்கு, சாப்பிடும் உணவு ஜீரணம் ஆகாமல் இருப்பவர்களுக்கும் இந்த நோயின் பாதிப்பு அதிகம். முதலில் வயிற்றின் அடிப்பகுதியில் கடுமையான வலியோடு ஆரம்பிக்கும். வாந்தி, எரிச்சல் ஏற்படும். அல்சர் ஏற்படக்காரணங்கள்:
· காரமான உணவுப்பொருட்களை அதிகம் உட்கொள்ளுதல்
· மண்,கல் கலந்த உணவு, நீர் போன்றவற்றை உட்கொள்ளுதல்
· கோபப்படுதல், பட்டினி இருத்தல்
போன்ற காரணங்களால் அல்சர் ஏற்படலாம்.
அறிகுறிகள்:
பசியின்மை, ஏப்பம் அடிக்கடி வருதல், வயிறு இரைச்சல், நெஞ்சு எரிச்சல்.
கட்டுப்பாடுகள்:
வேளாவேளைக்குச் சரியாக சாப்பிடுதல், இறைச்சி, மீன் போன்றவற்றைத் தவிர்த்தல் ஆகியவற்றால் அல்சரிலிருந்து குணம் கிடைக்கும்.
(14) நோய் எதிர்ப்பு சக்திகற்றாழையில் உள்ள மருத்துவ குணங்கள் நம்மை வியப்பில் ஆழ்த்துகின்றன. இதில் வைட்டமின்கள், கனிம சத்துக்கள், என்சைம்கள், புரோட்டீன்கள் சேர்த்து 70 வகையான மருத்துவ குணங்களுடைய உபபொருட்கள் உள்ளன. மொத்தத்தில் கற்றாழை என்பது உடலில் எனர்ஜி அதிகரிக்கக்கூடியது. ரத்த ஓட்டத்தைச் சீராக்குவது. அதனால்தான் மூளையில் ரத்தம் உறைந்த நிலையிலும் இதைப் பயன் படுத்துகின்றனர். ஆங்கில மருந்துகளிலும் இதன் பயன்பாடு உள்ளது.
நோய் எதிர்ப்பு சக்திக்கு, அல்சர்போன்ற வயிறு சம்பந்தமான கோளாறுகளுக்கு, ஜீரண சக்திக்கு, தோல் பாதுகாப்புக்கு, தோல் பளபளப்புக்குக் கற்றாழை நல்ல பயன் தருகின்றது. தசைகள் மூட்டு இணைப்புகளில் திடத்தன்மை ஏற்படுத்துவதும் கற்றாழைதான்

புதன், 6 ஏப்ரல், 2011

ரூ. 40,000 சொத்துக்களைக் கொண்ட சாய்பாபா டிரஸ்ட்டை கையகப்படுத்த ஆந்திர அரசு முடிவு?

ஹைதராபாத்: 180 நாடுகளில் ரூ. 40,000 கோடி அளவிலான சொத்துக்களைக் கொண்டுள்ள சாய்பாபாவுக்குச் சொந்தமான சத்ய சாய் அறக்கட்டளை நிர்வாகத்தை தன் பொறுப்பில் எடுத்துக் கொள்வது குறித்து ஆந்திர மாநில அரசு பரிசீலித்து வருகிறது.


சாய்பாபா குடும்பத்தினருக்கும், ஸ்ரீ சத்ய சாய் அறக்கட்டளை நிர்வாகிகளுக்கும் இடையே மோதல்கள் வெடித்துள்ளதைத் தொடர்ந்து இந்த முடிவுக்கு ஆந்திர அரசு வந்துள்ளது.

அறக்கட்டளையின் பணிகள் தடங்கல் இல்லாமல் தொடர்ந்து நடக்க வசதியாக தற்போது அறக்கட்டளையை கையகப்படுத்த அரசு திட்டமிட்டுள்ளதாக தெரிகிறது.

சாய்பாபாவின் உடல் நிலை தொடர்ந்து மோசமாக உள்ளது. கடந்த 10 நாட்களாக அவர் மருத்துவமனையிலேயே இருக்கிறார். அவரது பேசும் திறனும் நின்று விட்டதாக டாக்டர்கள் கூறுகின்றனர். யாராவது பேசினால் அதைப் புரிந்து கொண்டு தலையை மட்டுமே அசைக்க அவரால் முடிவதாக கூறப்படுகிறது.

சாய்பாபாவின் உடல் நிலை குறித்த முழுமையான, தெளிவான விவரத்தை இதுவரை பாபா அறக்கட்டளை வெளியிடாமல் உள்ளது. இதனால் அவரது பக்தர்கள் பெரும் குழப்பத்தில் உள்ளனர்.

இந்தப் பின்னணியில்தான் ஆந்திர அரசின் இந்த திடீர் திட்டம் வெளியாகியுள்ளது. இந்த நடவடிக்கையின் ஒரு கட்டமாக அதிகாரிகள், மருத்துவர்கள் அடங்கிய ஐந்து பேர் கொண்ட குழுவை புட்டபர்த்திக்கு ஆந்திர அரசு அனுப்பியுள்ளது.

இந்த குழுவில் முதன்மை நிதிச் செயலாளர் எல்.வி.சுப்ரமணியம், முதன்மை சுகாதார செயலாளர் பி.வி.ரமேஷ், மருத்துவக் கல்வி இயக்குநர் டாக்டர் ரகு ராஜு, உஸ்மானியா மருத்துவமனை இதயவியல் நிபுணர் டாக்டர் லட்சுமண் ராவ், உஸ்மானியா மருத்துவமனை டாக்டர் பானு பிரசாத் ஆகியோர் இந்தக் குழுவில் இடம் பெற்றுள்ளனர்.

இக்குழுவினர் புட்டபர்த்திக்கு நேற்று இரவே வந்து சேர்ந்து விட்டனர். தங்களது ஆய்வை முடுக்கி விட்டுள்ளனர்.

அறக்கட்டளை உறுப்பினர்களுடன் பேசி அறக்கட்டளை நடத்தி வரும் கல்வி நிறுவனங்கள், சமூக சேவைப் பணிகள், நிதி விவகாரங்கள் உள்ளிட்டவற்றை இக்குழு ஆராயும்.

சாய்பாபா அறக்கட்டளைக்குச் சொந்தமான சொத்துக்களின் மதிப்பு ரூ. 40,000 கோடி என்று ஏற்கனவே வருமான வரித்துறைக்கு அறக்கட்டளை தெரிவித்துள்ளது. அறக்கட்டளைக்கு வரும் நன்கொடைகள் உள்ளிட்டவற்று வரி விலக்கு அளிக்கப்பட்டு வருவது குறிப்பிடத்தக்கது.

வெளிநாடுகளிலிருந்து பாபா அறக்கட்டளைக்கு நூற்றுக்கணக்கான கோடி அளவுக்கு நன்கொடைகள், தானங்கள் வந்து குவிவது குறிப்பிடத்தக்கது.

இவ்வளவு பெரிய நிதிப் புழக்கம் இருப்பதால் இவை முறையாக மேற்கொள்ளப்படுகிறதா என்பது குறித்தும் அதிகாரிகள் ஆய்வு செய்யவுள்ளனர். இவற்றை அரசு ஏற்று நடத்தலாமா என்பது குறித்தும் இவர்கள் அரசுக்குப் பரிந்துரை செய்வார்கள்.

புட்டபர்த்தி மற்றும் பெங்களூரில் இரண்டு சூப்பர் ஸ்பெஷாலிட்டி மருத்துவமனைகள், பல்கலைக்கழகம், உலக மத அருங்காட்சியகம், பிளானட்டேரியம், ரயில்வே நிலையம், கிரிக்கெட் ஸ்டேடியம், இசைக் கல்லூரி, விமான நிலையம், உள்ளரங்க விளையாட்டரங்கம், விளையாட்டு வளாகம் உள்ளிட்ட பலவேற்றை அறக்கட்டளை நிர்வகித்து வருவது குறிப்பிடத்தக்கது.

180 உலக நாடுகளில் 1200 சத்ய சாய்பாபா மையங்களும் அறக்கட்டளை நிர்வாகத்தால் நிர்வகிக்கப்படுகின்றன. இங்கு பள்ளிகள், மருத்துவமனைகள் உள்ளிட்ட பல்வேறு பணிகள் மேற்கொள்ளப்பட்டு வருகின்றன.

பணமிருந்தாலும் பணிவு வேண்டும்

நமது நல்வாழ்வுக்கு இஸ்லாம் கூறும் பொன்மொழிகளைக் கேளுங்கள்.
* நானே பெரியவன், நானே சிறந்தவன் என்ற அகந்தையைக் கைவிடுங்கள். எந்த பிரச்னையையும் நாசூக்காக கையாளுங்கள். நீங்கள் சொன்னதே சரி, செய்வதே சரி என்று பிடிவாதம் பிடிக்காதீர்கள்.
* உண்மை எது, பொய் எது என்று விசாரிக்காமல், இங்கே கேட்டதை அங்கே சொல்வதையும், அங்கே கேட்டதை இங்கே சொல்வதையும் கைவிடுங்கள்.
* கேள்விப்படுகிற எல்லா விஷயங்களையும் உணர்ச்சி வசப்பட்டு நம்பி விடாதீர்கள். அற்ப விஷயங்களைப் பெரிதுபடுத்தி ஆர்ப்பாட்டம் செய்யாதீர்கள்.
* மற்றவர்களை விட உங்களையே எப்போதும் உயர்த்தி நினைத்துக் கர்வப்படாதீர்கள். எதையும் தேவைக்கு அதிகமாய் எதிர்பார்க்காதீர்கள். அர்த்தமில்லாமலும், தேவையில்லாமலும், பின்விளைவு அறியாமலும் பேசிக்கொண்டே இருப்பதைக் கைவிடுங்கள்.
* பணம், பதவி உங்களிடம் இருந்தாலும் பணிவோடு நடந்து கொள்ளுங்கள். (அவ்வாறு செய்தால்) இன்னும் பெரிய பதவிகள் உங்களைத் தேடி வரும். பிரச்னை வரும் போது, அடுத்தவர் முதலில் இறங்கி வர வேண்டும் என்று காத்திருக்காமல், நீங்களே பேச்சைத் துவக்க முன்வாருங்கள்.
* புன்முறுவல் காட்டவும், சின்னச்சின்ன அன்புச்சொற்களைக் கூறவும், நன்றி சொல்லவும் மறந்து விடாதீர்கள்.
* நாவு நேர்மையாக இருக்குமானால் ஒருவனுடைய இதயம் நேர்மையான வழியில் செல்லும். நாவு நேர்மையற்றதாக இருக்குமானால் இதயம் நேர்மையான வழியில் செல்ல முடியாது.
* மனதை அடக்கியாண்டு மறுமைக்கும் பயன்படும் பணிகளைச் செய்பவனே அறிவாளி. மனம்போன போக்கில் நடந்து கொண்டு இறைவன் அருளை எதிர்பார்ப்பவன் முட்டாள்.

தமுமுகதலைவர்ஒருதீவிரவாதி.?ராமநாதபுரம்MLA .ஹசன்அலிபேச்சு.

 ""தீவிரவாதம், மதவாதம் என்பவர்களுக்கு மத்தியில் யார் மக்கள் ஊழியன் என்பதை சிந்தித்து ஓட்டளிக்க வேண்டும்,'' என, ராமநாதபுரம் தொகுதி காங்., வேட்பாளர் ஹசன்அலி பிரசாரத்தில் கேட்டுகொண்டார் . உச்சிப்புளி, மண்டபம், தங்கச்சிமடம் ராமேஸ்வரம் உள்ளிட்ட பல்வேறு பகுதிகளில் தீவிர பிரசாரத்தில் ஈடுபட்ட அவர் பேசியதாவது: தமிழகத்தில் நல்லாட்சி நடந்து கொண்டு இருக்கிறது. தமிழக முதல்வர் கருணாநிதி மக்களின் நலன் கருதி பல்வேறு நல்ல திட்டங்களை செயல்படுத்தியுள்ளார். அவரது திட்டங்கள் தொடர மீண்டும் கருணாநிதி முதல்வராக வேண்டும். ராமநாதபுரம் தொகுதியில் நான் புதியவன் அல்ல. மீனவர்களின் நலன் காப்பதில் நான் மிகுந்த அக்கரை கொண்டவன் என்பது மீனவர்களுக்கு தெரியும். மீனவர்களுக்கு உண்மையானவர்கள் யார் என்பது நன்கு தெரியும். தற்போது ராமநாதபுரம் தொகுதியில் , தீவிரவாதம், மதவாதம் என இரண்டு பேர் உங்களை சந்தித்து திரித்து கூறுவார்கள் .அவர்களால் இங்கு எதையும் சாதிக்க முடியாது. இஸ்லாமியர், இந்துக்கள் என பாரபட்சமில்லாமல் அனைவரிடமும் நாங்கள் பழகுகிறோம். ஆனால் பா.ஜ., வேட்பாளரோ மதரீதியாகவும், ம.ம.க.,வேட்பாளரோ தீவிரவாத ரீதியாகவும் செயல்படுகின்றனர். உங்கள் ஓட்டை பிரித்தால் அது நல்லதுக்கு போய்சேராது . எனவே நல்லவர்கள் யார் என சிந்தித்து செயல்பட வேண்டும். சாலை வசதிகள் விடுபட்ட பகுதிகளை அறிந்து அங்கு சாலை வசதிகளை முழுமையாக ஏற்படுத்தி தருவேன். பள்ளிகளில் அனைத்து வசதிகளையும் பெற்றுத்தருவேன். காவிரி குடிநீர் விடுபட்ட அனைத்து பகுதிகளுக்கும் தடையின்றி கிடைக்க வழிசெய்வேன். வதந்திகளை கண்டு ஏமாறாமல் நீங்களே நல்ல முடிவை எடுங்கள், என்றார். காங்., மாவட்ட தலைவர் ரவிசந்திர ராமவன்னி, மாவட்ட பொருளாளர் உச்சிப்புளி நாகேஸ்வரன், மண்டபம் தி.மு.க., ஒன்றிய செயலாளர் கனகு, தி.மு.க., நகர் செயலாளர் ஜான்பாய், ராமேஸ்வரம் நகர் தலைவர் பாரி, துணைத்தலைவர் ராஜாமணி, பாம்பன் ஊராட்சி தலைவர் ஹனிபா, மாவட்ட துணை செயலாளர் அகமது தம்பி, வக்கீல்கள் முனியசாமி, சோமசுந்தரம், காங்.,நகர் தலைவர் முத்துராமலிங்கம், மாவட்ட சேவா தள தலைவர் தினேஷ்பாபு, வட்டார தலைவர் காருகுடி சேகர், முனியசாமி உட்பட பலர் உடன் சென்றனர்.

தஞ்சை மாவட்டத்தில் தேர்தல் புகாரா?தேர்தல் பார்வையாளரிடம் தெரிவிக்கலாம்

தேர்தல் புகார்கள் குறித்து தேர்தல் பார்வையாளர்களிடம் தெரிவிக்க அழைப்பு விடுக்கப்பட்டுள்ளது.
சட்டசபை தேர்தல் நடவடிக்கைகளை கண்காணிக்க தேர்தல் ஆணையம் சார்பில் தேர்தல் பார்வையாளர்கள் நியமிக்கப்பட்டுள்ளனர். தஞ்சை மாவட்டத்தில் உள்ள எட்டு சட்டசபை தொகுதிகளில் தேர்தல் பார்வையாளர்கள் (பொது) திருவிடைமருதூர், கும்பகோணம் தொகுதிக்கு பி.ஆர்.சமால் (மொபைல் எண்: 7598700198) நியமிக்கப்பட்டுள்ளர். இவர் கும்பகோணம் குடிநீர் வடிகால் வாரிய விருந்தினர் இல்லம் அறை எண் 1ல் உள்ளார்.
பாபநாசம், திருவையாறுதொ குதிகளுக்கு டி.ஓ.சூரஜ் (75987 00199) நியமிக்கப்பட்டு தஞ்சை புதிய ஆய்வு மாளிகை அறை எண் 3ல் உள்ளார். தஞ்சை, ஒரத்தநாடு தொகுதிகளுக்கு பிரகாஷ் எம்.மகாஜன் (7598700200) நியமிக்கப்பட்டு, தஞ்சை புதிய ஆய்வு மாளிகை அறை எண் 1ல் உள்ளார். பட்டுக்கோட்டை, பேராவூரணி தொகுதிகளுக்கு ராணிகுமுதினி (7598700201) நியமிக்கப்பட்டு, பட்டுக்கோட்டை நெடு ஞ்சாலைத்துறை பயணியர் மா ளிகையில் உள்ளார். கணக்கு தணிக்கைக்கான பார்வையாளர்கள் திருவிடைமருதூர், கும்பகோணம், பாபநாசம், திருவையாறு தொகுதிக்காக ஷியாம்குமார் (7598700202) நியமிக்கப்பட் டு, தஞ்சை புதிய சுற்றுலா மாளி கை அறை எண் 4ல் உள்ளார். தஞ்சை, ஒரத்தநாடு, பட்டுக்கோட்டை, பேராவூரணி தொகுதிக்கான பார்வையாளர் மனோஜ்குமார் (7598700203) நியமிக்கப்பட்டு, தஞ்சை புதிய சுற்றுலா மா ளிகை அறை எண் 5ல் உள்ளார். மாவட்டம் முழுமைக்கான காவல் பார்வையாளர் அனில்குமார் (7598700090) நியமிக்கப்பட் டு தஞ்சை புதிய ஆய்வு மாளிகை அறை எண் 3ல் உள்ளார். தேர்தல் ஆணைய பார்வையாளர்கள் சட்டசபை தேர்தல் ப ணிகள் முடியும் வரை இந்த மு கவரியில் தங்கி இருந்து தேர்தல் நடத்தைகளை கண்காணிக்க உள்ளனர். அரசியல் கட்சியினர், பொதுமக்கள் தேர்தல் ஆணைய பார்வையாளர்களை தேர்தல் தொடர்பான புகார்களை குறிப்பிட்ட தொலைபேசி எண்ணில் தொடர்பு கொண்டு தெரிவிக்கலாம். ஒவ்வொரு நாளும் காலை 9.30 மணிக்குள் நேரில் சந்தித்தும் தேர்தல் தொடர்பான புகார்கள் மற்றும் கருத்துக்களை தெரிவிக்கலாம். மாவட்ட தேர்தல் கட்டுப்பாட்டு பிரிவு (அனைத்து சட்டசபை தொகுதிகளுக்கும்) இலவச அழைப்பு எண்கள் 1800425703/1077, நிகரி எண் 04362 230857, இணையதள முகவரி deotnj@gmail.com, தஞ்சை கலெக்டர் அலுவலகத்தில் தொடர்பு கொண்டு தெரிவிக்கலாம், என கலெக்டர் சண்முகம் கேட்டுக் கொண்டார்.

அரசு கல்லூரியில் வேலைவாய்ப்பு முகாம்

 தஞ்சை மன்னர் சரபோஜி அரசு கல்லூரியில் நேற்று திருச்சி மண்டல அளவிலான வேலைவாய்ப்பு முகாம் நடந்தது.
இன்ஃபோசிஸ் நிறுவனம் சார்பில் வேலைவாய்ப்பு முகாம் நடந்தது. இதில், தஞ்சை, திருவாரூர், நாகை, திருச்சி, கரூர், அரியலூர், பெரம்பலூர், புதுக்கோட்டை போன்ற மாவட்டங்களைச் சேர்ந்த 16 அரசு கல்லூரிகளை சேர்ந்த 450 மாணவ, மாணவிகள் பங்கேற்றனர். இவர்களுக்கு நேற்று ஒரே நாளில் முதற்கட்டமாக எழுத்து தேர்வும், பின் கலந்தாய்வு, வாய்மொழி தேர்வும் நடந்தது. இதில், தேர்வு பெறுபவர்களுக்கு பணியாணை அனுப்பி வைக்கப்படும். இதுபோன்ற முகாம் ஏற்கனவே, சென்னை, மதுரை, சேலம் போன்ற ஊர்களில் நடந்துள்ளது. ஏற்பாடுகளை ஒருங்கிணைப்பாளர் நந்தனம் அரசு கல்லூரி பேராசிரியர் முஜிராபாத்திமா, தஞ்சை மன்னர் சரபோஜி கல்லூரி முதல்வர் அம்பிகாபதி, பேராசிரியர்கள் காத்தையன், பாரி, இளங்கோவன் ஆகியோர் செய்திருந்தனர்.

குழந்தைகளைநல்வழிபடுத்துங்கள்.

இன்றைய இளைஞர்களின் நிலை எப்படி இருக்கிறது என்பதை நாம் பார்க்கிறோம். நாகரீகம் என்ற பெயரில், ஆடம்பரக் கேளிக்கைகளிலும், அனாச்சார வழிகளிலும் சென்று கொண்டிருக்கின்றனர். அவர்கள், இவ்வாறு ஆடம்பர மோகம் கொண்டு திரியவும், அழிந்து போகவும் காரணமாக இருப்பது யார் என்று சிந்திக்க வேண்டும். அவர்களை நேர்வழியில் நடத்தத் தவறியவர்கள் அவர்களது பெற்றோர் தான்.
குழந்தைப் பருவத்தில் இருந்தே முதற்கடமையாக அவர்களுக்கு குர்ஆனை போதித்திருக்க வேண்டும். முறைப்படி மார்க்கபோதனை பெறாத குழந்தை முதலில் ஒழுக்கம் தவறுகிறது. அடுத்து, அந்தக் குழந்தையைப் பள்ளியில் சேர்க்கிறார்கள். அங்கே பலதிறப்பட்ட குண நடத்தைகள் கொண்ட குழந்தைகளுடன் அது பழகுகிறது. அந்தச் சூழலுக்கு ஒப்ப தன்னை வளர்த்துக் கொள்கிறது. இதனால், கடமையையும் கண்ணியத்தையும் இழந்து விடுகிறது.
இரண்டையும் தவற விட்ட குழந்தைகள் இளைஞர்களாக மாறியதும், நாகரீகம், ஆடம்பரம் என்ற அழிவுத்தன்மைகளுக்கு ஆட்படுகிறார்கள்.
அதன் பலனாக பெற்றோரின் மணிமொழிகளுக்கும் மதிப்புக் கொடுக்காதவராக மாறி விடுகிறார்கள். இல்லை...இல்லை...மாற்றப்பட்டு விடுகிறார்கள். இவர்கள், மார்க்கத்தைப் பற்றி தெரிந்து கொள்ளாமல், மார்க்கத்தின் உயர்வை, உண்மையை உணராமல் குறை கூறித்திரிவதோடு, இறைவனை அலட்சியப்படுத்திவிட்டு, அல்லலை அனுபவிக்க வேண்டிய சூழ்நிலைக்கு தள்ளப்படுகிறார்கள். இது அவர்களுடைய குற்றமல்ல. அவர்களைக் குற்றவாளி என்று ஒருபோதும் ஒப்புக் கொள்ள முடியாது.
ஆரம்பத்தில் பெற்றோர் தங்கள் கடமையைச் செய்யத் தவறியதால் தான் இத்தகைய நிலை ஏற்பட்டது.
நபிகள்நாயகம் (ஸல்) அவர்கள் இதுபற்றி கூறும் போது, ""உங்கள் குழந்தைகளை மூன்று குணங்களைக் கொண்டு ஒழுக்கத்தைக் கற்றுக் கொடுங்கள். 1. உங்கள் நபியைப் பிரியப்படுவது. 2. நபியின் குடும்பத்தார் மீது அன்பு வைப்பது. 3. குர்ஆனை ஓத வைப்பது. ஏனெனில், குர்ஆனை நெஞ்சில் பதித்தவர்கள், நிழல் என்பதே இல்லாத நாளில், அல்லாஹ்வுடைய அர்ஷின் நிழலில்,
நபிமார்கள் சஹாபாக்களுடன் இருப்பார்கள்,''. குழந்தைகளை நல்வழிப்படுத்தும் முயற்சியில், இன்றே பெற்றோர் ஈடுபடலாமே!
இன்றைய இளைஞர்களின் நிலை எப்படி இருக்கிறது என்பதை நாம் பார்க்கிறோம். நாகரீகம் என்ற பெயரில், ஆடம்பரக் கேளிக்கைகளிலும், அனாச்சார வழிகளிலும் சென்று கொண்டிருக்கின்றனர். அவர்கள், இவ்வாறு ஆடம்பர மோகம் கொண்டு திரியவும், அழிந்து போகவும் காரணமாக இருப்பது யார் என்று சிந்திக்க வேண்டும். அவர்களை நேர்வழியில் நடத்தத் தவறியவர்கள் அவர்களது பெற்றோர் தான்.
குழந்தைப் பருவத்தில் இருந்தே முதற்கடமையாக அவர்களுக்கு குர்ஆனை போதித்திருக்க வேண்டும். முறைப்படி மார்க்கபோதனை பெறாத குழந்தை முதலில் ஒழுக்கம் தவறுகிறது. அடுத்து, அந்தக் குழந்தையைப் பள்ளியில் சேர்க்கிறார்கள். அங்கே பலதிறப்பட்ட குண நடத்தைகள் கொண்ட குழந்தைகளுடன் அது பழகுகிறது. அந்தச் சூழலுக்கு ஒப்ப தன்னை வளர்த்துக் கொள்கிறது. இதனால், கடமையையும் கண்ணியத்தையும் இழந்து விடுகிறது.
இரண்டையும் தவற விட்ட குழந்தைகள் இளைஞர்களாக மாறியதும், நாகரீகம், ஆடம்பரம் என்ற அழிவுத்தன்மைகளுக்கு ஆட்படுகிறார்கள்.
அதன் பலனாக பெற்றோரின் மணிமொழிகளுக்கும் மதிப்புக் கொடுக்காதவராக மாறி விடுகிறார்கள். இல்லை...இல்லை...மாற்றப்பட்டு விடுகிறார்கள். இவர்கள், மார்க்கத்தைப் பற்றி தெரிந்து கொள்ளாமல், மார்க்கத்தின் உயர்வை, உண்மையை உணராமல் குறை கூறித்திரிவதோடு, இறைவனை அலட்சியப்படுத்திவிட்டு, அல்லலை அனுபவிக்க வேண்டிய சூழ்நிலைக்கு தள்ளப்படுகிறார்கள். இது அவர்களுடைய குற்றமல்ல. அவர்களைக் குற்றவாளி என்று ஒருபோதும் ஒப்புக் கொள்ள முடியாது.
ஆரம்பத்தில் பெற்றோர் தங்கள் கடமையைச் செய்யத் தவறியதால் தான் இத்தகைய நிலை ஏற்பட்டது.
நபிகள்நாயகம் (ஸல்) அவர்கள் இதுபற்றி கூறும் போது, ""உங்கள் குழந்தைகளை மூன்று குணங்களைக் கொண்டு ஒழுக்கத்தைக் கற்றுக் கொடுங்கள். 1. உங்கள் நபியைப் பிரியப்படுவது. 2. நபியின் குடும்பத்தார் மீது அன்பு வைப்பது. 3. குர்ஆனை ஓத வைப்பது. ஏனெனில், குர்ஆனை நெஞ்சில் பதித்தவர்கள், நிழல் என்பதே இல்லாத நாளில், அல்லாஹ்வுடைய அர்ஷின் நிழலில்,
நபிமார்கள் சஹாபாக்களுடன் இருப்பார்கள்,''. குழந்தைகளை நல்வழிப்படுத்தும் முயற்சியில், இன்றே பெற்றோர் ஈடுபடலாமே!